旅遊篇 - 北歐 (丹麥,挪威, 瑞典, 芬蘭) [2013 Mar]

因為去過北極之後, 比同事改o左個名叫北極貓. 我為咩要去北極, 就係為睇北極光. 但係為去北極, 決定去一轉北歐先!

為o左去北極我都花o左唔少心機, 時間同血汗錢. 去北極之前, 去o左一轉北歐試溫, 睇下入邊個國家北極圈好. 三月去北歐真係都幾凍. 一直都知北歐經緯線高過日本好多, 試過冰天雪地去日本稚內, 都應該估計到要帶咩去北歐禦寒, 但係... 其實都係唔夠........要去到買衫買襪!

丹麥, 哥本哈根 - 除o左曲奇, 都仲有皇宮, 由香港嫁過去o既皇妃, 圓塔.....

試過最凍 -15 度, 海邊影丹麥著名人魚像, 吹到塊面薑到好似唔屬於自己. 

實地見過個人魚像, 都... 真係幾流汗, 好似o係唔知咩碼頭側邊擺個像o係到. 有o的被搵笨感覺!

呢條真係冰河, 我無跳落去, 不過o的水係唔會流. 

丹麥皇宮, 見唔到由香港嫁過去o個位皇妃.

挪威, 奧斯陸 - 真係好悶下, 無咩好睇, 如果夏天去會比較好, 因為方便睇出名o既海峽

o係丹麥天氣好差, 來到挪威好好多, 不過無咩好睇. 可惜!!

國家美術館 - 入面有好出名Edvard Munch 著作吶喊. 我都係為o左睇呢幅入去, 其他o個o的.. 真係唔係好識欣賞. 

瑞典, 斯德哥爾摩 - 去完挪威悶, 過到來真係好好多, 多返o野睇..

Skyview - 有個波波升降機比人入去, o係一個好似太空館外面升高睇 Stockholm 全view

Skyview - 個波波上到最高

諾貝爾博物館 - 入面唔太大,  都係睇返每年邊個拎o的咩諾貝爾獎

諾貝爾博物館 - 入面有個小小 cafe, 一定要食呢杯 Noble ice-cream, 話諾貝爾頒獎禮後o既宴會, 都會 serve 呢杯甜品. 幾好味, 紅色係 raspberry, 白色係 vanilla, 上面最頂金色o個個係扮諾貝爾獎牌o既金幣朱古力

芬蘭, 赫爾辛基, 坦佩雷 - 第二次到芬蘭, 所以比較熟識, 上次去位於 Naantali o既 Moonmin world, 今次去 Tempere o既 Moonmin 博物館

赫爾辛基火車站

Ｍoonmin 博物館, 去o個時原址裝修緊, 呢個係臨時位, 細好多, 都係介紹moonmin 漫畫誕生經過

下次先入戲玉講北極!