矮仔

先旨聲明, 呢篇blog 唔係歧視人身高, 只係描述日常所見所感, 以下所提到亦不代表所有身高矮男士都有同樣問題.

新加坡研究：高個子較正常‧越矮心理越不健康
http://news.sinchew.com.my/node/283032?tid=2
研究原文
http://www.annals.edu.sg/pdf/42VolNo2Feb2013/V42N2p73.pdf

研究指出矮人心理不健康, 憑我所遇到, 矮o既女士甚少有心理不健康清況, 矮o既男士有心理不健康情況就由細見到大.

讀中小學時, 班入面一定會有生得矮小男同學, 自自然然高大男生就會欺侮生得矮男生, 而矮o既男生就會坐埋一檯做 friend. 而呢班坐埋一檯矮男生就會去欺侮女生, 又或者對女生表現得好寸, 不可一世, 講o野大大聲 (對住高大男生當然係一個相反).

上到大學, 矮男生就會有兩類, 一類係唔多出聲, 埋頭苦幹讀書型, 另一類就會係 aggressive 型, 覺得自己咩都識, 爭住發表, 問佢問題, 就會覺得自己升o左上天, 好認叻甘答你. 就算平日傾計都係一副不可一世, 睇唔起世人o既表情.

到出來社會工作, 初初做小薯仔, 個個都高級過我, 但唔知點解, 高大o個o的係好相處好多, 亦都好樂意教我. 但係矮o個o的, 就真係吋少陣會死, 就算唔吋, 講o野都係巴巴閉閉, 不可一世.

現在有位矮同事(身高約157cm, 下稱短人), 佢職位都係小薯仔. 短人本身個款都幾黑人憎, 入職時已經一副不可一世, 高不可攀表情, 仲會時常擺出傲慢姿態, 當正自己好有型,成個老細甘款. 當開會時, 其他人講o野, 佢就會表露出一副不在意, 睇唔起表情, 就好似覺得其他人講o既o野好小學雞. 而當佢自己講o野時, 就會擺出一副好高高在上, 好叻好勁o既樣. 查實佢係咪真係甘叻, 我發覺唔係, 因為佢每次講o既o野, 我上網睇返, 原來都係抄其他人網頁o的資料當係自己去講. 比人問多兩問, 佢就會話要返去check 下先, 如果係甘有料, 點解即時答唔到?

短人亦都無禮貌可言, 行路永遠唔會望人, 就算同佢打招呼, 佢都係好冷淡回應. 仲有一個特點, 就係叫親佢做o野, 做好o左唔會出聲, 如果做o既o野同其他人有關, 都唔會出聲, 總之求求其其, 做o左就算. 短人對佢 supervisor o既態度就好似個 supervisor 跟佢多o的, 無禮貌又充滿挑戰性. 其實簡單可以用 "大支o野" 貼切形容佢. 除此之外, 短人英文水平真係令人流晒汗, 一句英文入面可以有幾個動詞, 無文法可言兼口語化. 另外短人覺得應該一早有得升職, 但係做o左幾年都無得升, 而老闆亦表明短期內都無可能開到位, 如果佢真係甘有料, 點解唔出去另謀高就, 要委屈留o係到繼續捱. 對於短人呢種 80 後, 初初有種錯覺係咪 80 後員工就會係甘差, 但呢個想法其實好錯, 有好多 80 後同事都好謙卑, 有禮貌, 尊重長輩. 

仲有一位係鄰居 (身高應該約 150 cm, 下稱四巴仙), 呢位四巴仙又係自覺好高人一等. 有次閒談之間, 四巴仙話會選屋苑委員會委員 (當時已經係佢第二年參選, 第一年聽講都係慘敗). 四巴仙好認叻話其他候選人個個大學生又如何, 做o野無個得 (表現出佢唔抵得人有大學學位, 亦講唔出佢自己點做得o野, 齋數人o地唔掂, 但係聽來聽去, 都聽唔出人o地實際有咩唔掂). 佢話自己讀得書唔多, 但自學好多o野, 好多方面都好叻. 不過睇下佢個參選政剛, 真係好流汗, 其中有一點:

- 舉行業主交流會, 直接聽取業主的意見, 每季起碼一次

我唔敢話自己中文水平好高, 不過睇唔出呢位四巴仙寫中文好叻. 參選政剛用詞寫得出 "起碼", 佢都真係好"起碼"下. 佢最後得票 4.14%, 當然選唔出, 哈!

其實仲有某名人明星都係生得矮, 但係在鏡頭前吋吋貢, 認晒叻. 不過呢o的人我唔 comment, 因為我唔識佢, 亦唔知佢真實為人如何. 我覺得佢o地在鏡頭前討厭, 唯一就係選擇唔睇佢o地o既節目.

研究：矮個子想法負面，容易偏執妄想
http://www.ettoday.net/news/20140129/321177.htm

Study finds feeling short makes people prone to paranoia
http://www.reuters.com/article/2014/01/29/us-paranoia-idUSBREA0S00320140129

長太矮自卑　英國男子砸百萬鋸骨增高
http://www.ettoday.net/news/20120102/16543.htm

Height, social comparison, and paranoia: An immersive virtual reality experimental study
http://publicationslist.org/data/melslater/ref-253/Height,%20social%20comparison,%20and%20paranoia.pdf

The height of confidence (and a little paranoia)

http://www.theguardian.com/science/blog/2014/jan/29/height-confidence-paranoia-experiment

short man syndrome explained 

http://www.healthguidance.org/entry/15851/1/Short-Man-Syndrome-Explained.html

「矮仔多計」原來唔啱 身材愈高通常愈聰明
http://hk.apple.nextmedia.com/realtime/international/20140303/52243595

有研究指出矮人想法偏負面, 容易產生恐懼和偏執, 亦會因此形成自卑心理. 認叻等自大行為往往都係基於自卑而形成. 人生得矮, 自覺與身邊其他"高"人有距離, 從而產生自卑感, 為了令自己形象提升, 所以做出認叻, 自大等姿態來掩飾. 而矮仔係咪真係甘多計, 研究結果指出好明顯唔係. 所以矮仔認叻, 而佢o地係咪真係叻, 顯然易見. 

之前見到o的又吋又無禮貌o既矮仔會覺得好討厭, 會幻想走埋去拍下佢頭頂, 叫佢生高少少先好學人認叻. 但係呢家改觀o左, 因為知道其實佢o地係好可憐, 因心理過份自卑先會做出愚蠢認叻行為. 

社交網站的用途

正面睇用社交網站多用於:

(1) 識朋友/找回舊朋友
(2) 分享
(3) 玩遊戲
(4) 消磨時間
(5) 轉載新聞或消息
(6) 聊天

從另一面去睇, 社交網站有以下用處:

(一) 晒命

乜都晒, 總之覺得可以showoff 自己就晒.

例一: 晒新手袋, 新杉, 新鞋, 新電玩, 咩新o野都晒

例二: 晒去旅行坐商務客位, 旅行戰利品, 住高級酒店

例三: 晒去高級地方食飯, 高級食物

有種人真係晒得起, 因為確實有錢有品味, 甚至一o的有錢人乜都唔晒, 我覺得佢o地好高尚. 但搵錢唔多, 一屋仔女要養, 連住地方都唔夠都仲要晒, 真係想勸佢o地儲返個錢比仔女讀書, 唔好買甘多無謂野去晒命.

(二) 晒幸福

晒幸福多數係有另一半, 多數係女.

例一: 晒下個老公/男友送花/禮物, 同老公/男友屋企玩煮飯仔, 生日/紀念日同老公/男友去慶祝, 送比老公/男友自製禮物, 未婚就會晒男友向自己求婚, 晒下隻求婚介子/束花.

例二: 晒下自己幾甘愛對方, post o的肉麻句子/甜言密語

通常都會祝福佢o地, 不過晒肉麻真係好要命, 應該顧及一下閱讀者感受, 我唔係佢愛人, 我只會覺得呢o的人唔知醜, 打情罵悄都要公開比人知, 更進一步o既o野係咪都要公開比人知?!!

(三) 晒仔晒女

晒自己仔女, 多數係父母, 都係以女性比較多.

例一: 晒仔女幾多日/個月大

例二: 晒仔女出街玩o既樣

例三: 晒仔女參加某比賽, 拎o左咩獎

例四: 晒仔女考到咩咩咩學校

可能本身我唔鐘意細路, 所以真係好反感. 尤其係報導仔女幾多日/個月大, 耐唔時見一次都ok, 日日or 定期見到真係覺得煩, 你話比人知你個仔女幾大有咩實際作用???

(四) 晒貓晒狗

同晒仔女一樣, 不過有男有女.

例一: 晒同狗狗去玩

例二: 晒下買咩新玩具/用品比貓/狗

晒貓狗我比較喜歡, 一來同自己有關, 二來無甘煩(我未見過有人keep住比人知自己隻寵物幾多日/個月大). 但係以前見有人不停重覆又重覆晒自己隻貓同一樣o野, 真係睇到想嘔. 另外仲有一個就係晒貓為搏上鏡, 留意到佢出盡辦法宣傳隻貓, 其實係想令自己有多o的出鏡機會, 仲要話曾經有星探對佢有興趣, 盲都睇得出佢晒貓為發明星夢. 

(五) 晒自己

不停晒自己個樣, 女性為主.

真係好有自信先做得出, 我最怕係見到自拍大頭相, 仲要係年紀有返甘上下, 真係幾流汗.

(六) 博同情

報導自己慘況, 見得最多係話病o左.

病係好慘, 搏得人同情可能對病情有幫助. 有一個例子好有趣, 話說某某時常感冒, 次次都話比人知佢病, 點知有次有另一個人回覆, 就係叫佢"病就要多休息, 病就唔好玩 facebook". 真係一語道破, 病仲學咩人玩 facebook, 有精神post o野即係唔係好病啦, 哈!

(七)  傳導

宣揚所屬教派理論, 以教徒為主.

我無信任何教派, 所以見到係覺得... 勁煩. 以前讀書時已經成日有人向我傳導, 如果我係有興趣就一早入會. 況且信教都係一種心靈慰藉, 我暫時都唔需要. 

(八) 八卦

純粹開個戶口, 永遠唔會透露自己任可狀況, 淨係睇其他人狀況.

呢種人無咩好 comment, 只可以話佢無貢獻, 淨係識八卦他人但又唔比八卦佢.

(九) 罵戰

朋友之間鬧翻, 或者情侶分手, 互想展開影射/對罵.

呢種情形都係剝花生睇戲算, 如果留言幫某一邊會演變到加入戰團, 自尋煩惱.

吾家二女 - 霞姨

教師 (三)

繼續教師題目.

第三個: 因為寫blog 識, 識到佢我都真係幾不幸, 佢都有養貓, 仲係隻超級"港貓", 而佢自己都好"港女媽"

呢位教師我不評論佢教學方法, 一係教人等同教貓, 一係就係另一個極端. 佢可以教出一隻貓等同一個"港孩", 要風得風, 要雨得雨, 唔likey就襲擊人(係主動襲擊, 唔係比人搞到唔高興先襲擊). 題目提過我不幸, 因為我都受"港貓"主動襲擊過好幾次, 小腿仍留有佢用牙咬o既疤痕. 算佢好彩, 因為佢係一隻貓, 我對動物容忍度遠多於對人, 如果佢係一個人, 我已經學應采兒o個句 - 大巴大巴醒佢.

<<港爸港媽>> - 丁寶臣著一書提到, 現今"港孩"出現多得有11種類型特點港爸港媽, 其中一型 - 偏袒縱容型家長正可貼切形容呢位教師. 偏袒縱容型家長 - 就係子女永遠是對的, 就算子女犯錯, 都會盡力幫子女找藉口, 令到子女錯都變對, 盲目維護子女過錯.

蝴蝶效應 (http://dictionary.reference.com/browse/butterfly+effect) - 應用在教導方面, 就係處理一件細微的事, 無論正確或錯誤都可以影響子女一生.

記得初初見到呢隻”港貓”生得面圓圓好乖好可愛, 之後睇住佢大, 睇住佢壞. 每次探佢都會受佢主動襲擊. 個教師主人話想教好佢, 所以我提供一個方法比佢, 話如果"港貓"一咬人, 就側面噴佢水以作懲罰. 呢個方法我教過 N 甘多個人, 個個話work, 係得佢話唔work. 係個方法唔work? 定係佢無實行到? 有一次去探呢位教師, 見佢用一個更騎呢方法教 "港貓", 就係"港貓"一襲擊人就餵佢食最喜歡小食. 流晒汗......

教又教過, 勸又勸過呢位教師, 但佢只係不斷幫"港貓"找藉口, 話"港貓"唔喜歡人去佢屋企, 話d 朋友顧住傾計唔理"港貓", 所以"港貓"先會亂襲擊人, 話平時"港貓" 都會襲擊佢, 所以亦都習以為常.

好典型偏袒縱容型家長, 找藉口去令到"港貓"錯變對. 用獎勵去阻止"港貓" 咬人, 亦正應用o左蝴蝶效應, 一個錯誤獎勵開始, 令"港貓"變得越來越惡, 越來越肆無忌憚. 當然, 我為自己身體著想, 亦都唔再去探"港貓", 免得無啦啦對腳多幾條痕.

心理揭秘: 父母溺愛的真相 (http://www.zhibeifw.com/fjgc/adjy_list.php?id=9224)

[每個人內心都藏著兩個"我". 一個是"內在的父母", 其內容是我們對自己的現實父母和自己理想父母的內化, 當我們做父母時, 這個"內在的父母"就是我們自己. 另一個是" 內在的小孩", 其內容是我們對自己童年體驗的記憶和自己理想童年的內化.
溺愛有很多種原因, 其中最重要的一個原因, 就是父母"內在的小孩"向外的投射. 溺愛的父母將自己"內在的小孩"投射到現實的孩子身上, 他們無節制地給予孩子, 其實是在無節制地滿足自己. ]

呢位教師都真係好溺愛"港貓", 比最好o野佢食, 買最好o野佢玩, 就算常常受到襲擊都樂意接受. 可能呢位教師無節制給予"港貓", 其實正無節制滿足佢自己.

疏遠呢位教師好一段日子之後, 在我剛剛搬屋第二日, 收到呢位教師短信問"港貓"有o的喘氣, 唔知係咪與之前麻醉過有關. o係我一屋笠笠亂, 同埋無相關知識同資料下, 我唯有覆呢位教師, 叫佢問下另一位blog 友 (因為o個位blog 友隻貓都有喘氣問題同埋佢都識幾呢方面知識). 就係呢個回覆, 唔知點解得罪o左佢. 最初 R 爆頭, 同朋友傾我係咪做錯o的乜? 朋友睇完我覆o既短訊都話無問題, 有頭有尾, 好有禮貌, 大家繼續 R 爆頭. 到讀完書, 再回想返, 終於知咩事.

<<港爸港媽>> - 丁寶臣著一書亦提到, 11種類型特點港爸港媽其中一型 - 緊張型家長 - 就是極度愛護子女的家長, 起居飲食, 生活細節, 學業成績, 全都關懷備至.

呢位教師太過溺愛及緊張"港貓", 所以一切都以佢為主. "港貓" 一有唔舒服, 佢就騰晒雞四出找人幫手, 典型緊張到不得了. 但係我唔明, "港貓"有病點解唔係直接打去獸醫診所問, 而係問其他人. 可能佢誤會o左, 以為我係讀獸醫, 查實當時我係讀緊心理學. 我都有養貓, 都明白貓有病會好緊張, 不過我會找有相關知識人士幫手.

<<港爸港媽>> - 丁寶臣著一書亦提到, 11種類型特點港爸港媽有其中一型 - 投訴型家長 - 芝麻綠豆, 雞毛蒜皮小事, 也會投訴. 小事化大, 大事化得更大, 浪費時間, 消耗精力.

因為呢位教師太寵愛佢隻"港貓", 偏偏我又幫唔到手解答問題或提供解決方法, 於是我就變o左罪人, 由原本我只係唔識答佢問題, 變o左佢覺得我要背負"自私唔關心朋友"o既罪名, 小事由此比佢化大o左. 我係咪應該慶幸佢無去消委會投訴又或者出律師信告我唔答佢問題, 哈!

每個人心中尺度都唔同, 大家愛錫動物係一件好事, 我都唔敢話自己無寵壞o的貓, 不過我心中尺度係點寵隻貓都可以, 但係寵到隻貓會影響他人就未免過份o左. 慶幸呢位教師係教出一隻"港貓", 唔係社會上又會多一名港孩. 身為一位教師, 應該懂得甚麼是"教", 試想想, 佢隻"港貓" 如果係人, 小時就係"港孩", 大時就可能係有暴力傾向. 從呢個例子可引用一句 - 其身不正, 何以正人?  寬己嚴人, 難以服眾. 

吾家三女 - 豬虹