我人生遇過云云o既騎呢人入面, 都有好幾個係教師, 教過我啦, 同我做過朋友啦, 同事o既另一半啦等等. 好老實, o係我印象中真係得幾位係我覺得"正常", 點解我覺得佢o地正常, 因為我同佢o地唔太熟, 所以我覺得佢o地係咪真係騎呢, 唔敢妄下定論.
我o地呢o的七十後, 由細到大對教師印象都係知識淵博, 正直, 客觀, 公平. 當我仲係中小學生時, 我都仲係甘覺得. 但係人越大, 之後遇到騎呢教師朋友, 繼而開始回想以前教過我o既老師, 就真係覺得當時年紀小, 係一個笨小孩.
講返我人生經歷入面幾位值得討論一下o既教師先:
第一個: 中學教我chemistry, 係一個男教師但擁有女人特質, 偏心到出汁
第二個: 同事o既另一半, 問題o係我同事身上, 佢同得我同事一齊, 佢都應該係一個奇/騎呢人
第三個: 因為寫blog 識, 識到佢我都真係幾不幸, 佢都有養貓, 仲係隻超級"港貓", 而佢自己都好"港女"
一竹篙真係唔可以打一船人, 唔係個個教師都係騎呢, 點都會有真係知識淵博, 正直, 客觀, 公平. 我相信我陸續post 唔同騎呢人o既特質, 都會有人自動對號入座. 我無估錯, 對號入座完就會o係佢o地去開o既 SNS 展開對我o既挑釁. 不過事先聲明, 我唔會陪呢o的人作出任何罵戰, 我覺得o係 SNS 互數係極之無聊, 不斷罵戰只會令佢o地個 SNS 多人睇, 對我有咩著數?? 可能你會話罵戰對我個 blog 都會多人睇, so what? 係咪多人睇,我會有錢收, 又或者收多o的錢, 如果係我不如直接出書好過. 如果係夠薑, 不防親身來搵我對質, 我喜歡用把口多過用對手同人拗.
可能你又會話, 我甘咪即係用個blog 去"數臭"人? 又唔可以用"數臭" 呢個 term. 香港呢一刻仲係言論自由地方, 大家都有權利寫個 blog 去不吐不快. 況且我都係道出我o既人生經歷, 再加上應用一下我所學到心理知識, 我有權甘做, 大家都有權甘做.
下一篇就開始談談我上述提過o個三位o係我生命中令我記憶猶新既騎呢教師.
