初初話比朋友知去北極, 個個都問我係咪痴o左線, 就算積極去解釋北極唔係荒無, 唔係得白色一地雪,
朋友們都係話我痴o左線. 算! 大家追求o既o野唔同, 無謂要強迫人去相信北極唔係荒無, 我覺得值得去就已經夠!
上回講到去北歐試溫, 知道自己體力都真係麻麻地, 返香港之後即刻開始鍛鍊, 用o左半年時間, 差不多每晚走落街跑步, 由初初跑得幾百米, 到臨出發跑到 3.8 km, 都算係甘啦. 另外本身氣管麻麻地, 所以出發前補補條氣, 飲虎乳靈芝湯, 焗黨參水飲 (遲o的再介紹比大家, 呢兩款真係好有用, 強烈推介).
最後選擇 12 月頭去芬蘭o既 Rovaniemi 同 Saariselka. 要睇北極光唔係話睇就睇, 要睇太陽粒子活躍程度, 天氣好唔好, 就算好天都要睇有無雲, 要夠凍, 夜晚時間越長越好, 好多因素. 所以如果大家想睇北極光, 就要預逗留北極圈入面多少少日子, 而我就花o左八晚o係北極圈入面, 但都係得一晚睇到.... =.=......
12 月去到北極, 日照時間得返 3-4 小時. 有人話長期處於天黑環境會抑鬱, 我又唔多覺, 當地人好nice, 個個都好有禮貌, 見佢o地行街買o野都好開心. 而我自己都好喜歡, 返到香港反而唔習慣甘光, 原來我係喜歡暗.
Rovaniemi 係剛進入北極圈城市, 到達時溫度係 -15, 有之前北歐經驗, 今次禦寒準備得好好. Rovaniemi 有好出名聖誕老人村, 入面有條剛進入北極圈o既經緯線(Arctic Circle Line), 夏天去可以見到地下 mark 住條線, 冬天因為雪遮住, 要靠幾支燈柱認住個位. 另外可以同真正芬蘭聖誕老人影相, 傾幾句計, o的相都幾貴, 25 euro 一張, 我揀o左買 75 euro USB, 入面包晒所有相, 同聖誕老人傾計過程片段.
好彩一早有準備, o係 Rovaniemi睇唔到北極光, 繼續北上Saariselka. 由 Rovaniemi 去 Saariselka 無火車或 direct domestic flight, 所以唯有坐巴士, 三小時左右到達. 去到 Saariselka 係 -21 度, 記得一落車, 個感覺應該同入雪房或者雪櫃o既冰格一樣. 鼻水流到出鼻哥窿係即刻變成碎冰, 郁下個鼻, 會感覺到鼻哥窿o的碎冰有"bark bark" 聲, 真係一世難忘呢個感覺.
Saariselka 係一個好細城市, 入面多數係度假村式酒店, 我對滑雪無乜興趣, 所以參加坐鹿車, 雪上電單車同坐小巴睇北極光團. 北極入面有好多馴鹿, 聽鹿車導遊講解, 馴鹿皮可以抵受 -70 度溫度, 所以當地人都會用鹿皮去做衫禦寒. 雪上電單車, 真係唔係想像中甘好玩, 一個女仔第一次控制一架雪上電單車唔係易事, 之後我對手同膊頭冤痛到想屎. 我揀呢個 tour 都係為o左睇極光, 但係當晚好多雲, 千辛萬苦上到去山頂, 淨係睇雲, 不知幾想叫佢回水!!
令我最開心就係小巴睇極光團, 呢個團其實係比日本人 only, 因為佢得個講日文導遊, 無所謂啦, 睇極光用對眼睇, 聽唔明佢講無乜所謂. 當晚係 -25 度, 但係好好彩, 去到第一個地點已經見到好震撼場面, 全個天都係白煙. 當晚其實極光指數不太高, 所以我一落小巴, 係見到一大撻 "白煙", 我仲懵然不知, 但係班日本人已經舉起手不斷影影影, 我又試下舉起手機影, 點知肉眼見到o既白煙就係極光, 經鏡頭下就變o左有綠色/粉紅色. (後來先知, 極光指數強, 肉眼都可以見到綠色煙)
北極真係值得去, 睇到北極光就更加值得去. o係呢個旅程入面, 有個特點, 就係常常見到好多日本遊客 (真係講日文多過英文). 之前去芬蘭都已經覺得, 今次仲更加覺, 酒店入面撞口撞面都係日本人, 睇來佢o地真係好鐘意去芬蘭玩.
懶惰o左兩個月, 係時候要開始跑返步練氣, 要為下個旅程鍛鍊好身體!!!
上回講到去北歐試溫, 知道自己體力都真係麻麻地, 返香港之後即刻開始鍛鍊, 用o左半年時間, 差不多每晚走落街跑步, 由初初跑得幾百米, 到臨出發跑到 3.8 km, 都算係甘啦. 另外本身氣管麻麻地, 所以出發前補補條氣, 飲虎乳靈芝湯, 焗黨參水飲 (遲o的再介紹比大家, 呢兩款真係好有用, 強烈推介).
最後選擇 12 月頭去芬蘭o既 Rovaniemi 同 Saariselka. 要睇北極光唔係話睇就睇, 要睇太陽粒子活躍程度, 天氣好唔好, 就算好天都要睇有無雲, 要夠凍, 夜晚時間越長越好, 好多因素. 所以如果大家想睇北極光, 就要預逗留北極圈入面多少少日子, 而我就花o左八晚o係北極圈入面, 但都係得一晚睇到.... =.=......
12 月去到北極, 日照時間得返 3-4 小時. 有人話長期處於天黑環境會抑鬱, 我又唔多覺, 當地人好nice, 個個都好有禮貌, 見佢o地行街買o野都好開心. 而我自己都好喜歡, 返到香港反而唔習慣甘光, 原來我係喜歡暗.
Rovaniemi 係剛進入北極圈城市, 到達時溫度係 -15, 有之前北歐經驗, 今次禦寒準備得好好. Rovaniemi 有好出名聖誕老人村, 入面有條剛進入北極圈o既經緯線(Arctic Circle Line), 夏天去可以見到地下 mark 住條線, 冬天因為雪遮住, 要靠幾支燈柱認住個位. 另外可以同真正芬蘭聖誕老人影相, 傾幾句計, o的相都幾貴, 25 euro 一張, 我揀o左買 75 euro USB, 入面包晒所有相, 同聖誕老人傾計過程片段.
 |
| 全球最北麥當奴, d 飽大過香港, 但係都貴過香港麥記 |
 |
| o個幾條燈柱有條線就係北極圈線位置 |
 |
| 聖誕老人村入面巨雪人 |
 |
| 巨型聖誕樹, 上面掛滿不同國家國旗 |
 |
| 呢個係郵筒, 我都寄o左聖誕post 卡比好多同事朋友, 會有聖誕老人村特別郵戳印上去 |
 |
| 北極博物館 |
好彩一早有準備, o係 Rovaniemi睇唔到北極光, 繼續北上Saariselka. 由 Rovaniemi 去 Saariselka 無火車或 direct domestic flight, 所以唯有坐巴士, 三小時左右到達. 去到 Saariselka 係 -21 度, 記得一落車, 個感覺應該同入雪房或者雪櫃o既冰格一樣. 鼻水流到出鼻哥窿係即刻變成碎冰, 郁下個鼻, 會感覺到鼻哥窿o的碎冰有"bark bark" 聲, 真係一世難忘呢個感覺.
Saariselka 係一個好細城市, 入面多數係度假村式酒店, 我對滑雪無乜興趣, 所以參加坐鹿車, 雪上電單車同坐小巴睇北極光團. 北極入面有好多馴鹿, 聽鹿車導遊講解, 馴鹿皮可以抵受 -70 度溫度, 所以當地人都會用鹿皮去做衫禦寒. 雪上電單車, 真係唔係想像中甘好玩, 一個女仔第一次控制一架雪上電單車唔係易事, 之後我對手同膊頭冤痛到想屎. 我揀呢個 tour 都係為o左睇極光, 但係當晚好多雲, 千辛萬苦上到去山頂, 淨係睇雲, 不知幾想叫佢回水!!
令我最開心就係小巴睇極光團, 呢個團其實係比日本人 only, 因為佢得個講日文導遊, 無所謂啦, 睇極光用對眼睇, 聽唔明佢講無乜所謂. 當晚係 -25 度, 但係好好彩, 去到第一個地點已經見到好震撼場面, 全個天都係白煙. 當晚其實極光指數不太高, 所以我一落小巴, 係見到一大撻 "白煙", 我仲懵然不知, 但係班日本人已經舉起手不斷影影影, 我又試下舉起手機影, 點知肉眼見到o既白煙就係極光, 經鏡頭下就變o左有綠色/粉紅色. (後來先知, 極光指數強, 肉眼都可以見到綠色煙)
 |
| 拉車鹿先生 |
 |
| 拉車途中 |
 |
| 呢個係巴士站 |
 |
 |
| 北極光 |
 |
| 都係北極光 |
 |
| 再來北極光 |
懶惰o左兩個月, 係時候要開始跑返步練氣, 要為下個旅程鍛鍊好身體!!!
